Imprimir
Enviar
Tomado de http://www.briga-galiza.org/principal.php?pag=inic
CRÓNICA DO CONGRESSO NACIONAL CONSTITUINTE
O Sábado dia 16 de Outubro de 2004 tivo lugar na Fundaçom Artábria em Ferrol o Congresso Nacional Constituinte da nova organizaçom juvenil da esquerda inependentista, BRIGA.
O nome da organizaçom pretende simbolizar as ánsias de luita do conjunto de moços e moças que a conformam.
Ao acto acudiu meio centenar de jovens e desenvolveu-se ao longo de toda a manhá e boa parte da tarde sendo clausurado este com o canto do hino galego e da internacional, hinos da organizaçom.
A militáncia da nova organizaçom aprovou as teses organizativa, política e ideológica após umha série de debates intensos que dinamizárom o CNC.
Em ditos textos, que a organizaçom publicará em breve sublinha-se a necessidade de fazer umha análise concreta da realidade para superar a actual situaçom de fraqueza em que se encontram as organizaçons juvenis da esquerda independentista.
Nesta mesma linha a militáncia de BRIGA considera preciso aplicar umha mudança na que até o momento vem sendo a praxe das organizaçons juvenis da esquerda independentista, é dizer, considerar prioritários aqueles problemas que som percebidos pola maior parte da mocidade galega como principais e a partir daí introduzir questons fundamentais, mas muito mais complexas como a exploraçom de classe, opressom machista, a espanholizaçom ou a reduçom das liberdades formais e a militarizaçom social.
Para isto BRIGA decidiu dotar-se de um programa táctico entendido como umha estratégia de achegamento desses sectores da mocidade galega menos consciencializados.
Por outra banda, outros dos alicerces das teses aprovadas foi a necessidade de auto-organizaçom e do fomento de um tecido associativo juvenil imprescindível para o desenvolvimento do nosso projecto revolucinário.
BRIGA também manifesta ser consciente da actual situaçom de anormalidade em que se acha o movimento juvenil da esquerda independentista apostando claramente por trabalhar em prol da unidade.
Aliás BRIGA assume como eixos político-ideológicos: independência nacional, socialismo, antipatriarcado, anti-imperialismo e internacionalismo, anti-autoritarismo, reintegracionismo ligüístico e monolingüismo social, ecologismo, antimilitarismo e liberdade sexual.
Por último, aprovárom-se várias ressoluçons entre as que cumpre destacar a aprovaçom por parte da militáncia de considerar NÓS-UP como a organizaçom política de referência e a intençom de se integrar na recentemente criada coordenadora do MLNG.
Galiza, Outubro de 2004
